Aktuelle tema
Meir forsking er viktig for å utforme målretta klimatiltak i landbruket
Tips en venn Skriv ut
NILF har vurdert tre tiltak frå tiltakslista i Klimakur 2020. Desse omfattar redusert norm for gjødsling og tiltak for drenering og jordpakking, stans i nydyrking og restaurering av myr og produksjon av biokull. Det er knytt stor usikkerheit til dei utrekningane som er gjort i Klimakur 2020. Utrekningane baserer seg på ei rekkje føresetnader som i mange tilfelle ikkje er godt dokumenterte, hevdar Ellen Henrikke Aalerud og Valborg Kvakkestad i eit nyleg publisert notat frå NILF.
Klimakur 2020 er ei etatsgruppe leia av Klima- og forureiningsdirektoratet på oppdrag frå Miljøverndepartementet. Gruppa har vurdert verkemiddel og tiltak for å oppnå at dei norske utsleppa av klimagassar vert redusert med 15 til 17 millionar tonn innan 2020.
Les også notatet Klimatiltak i landbruket - En gjennomgang av tiltak i Klimakur 2020.
For meir detaljerte opplysingar, kontakt Ellen Henrikke Aalerud eller Valborg Kvakkestad.
Publisert: 07.09.2011, oppdatert 10. oktober 2011