Aktuelle tema
NILF sine innspel til landbruksmeldinga
Tips en venn Skriv utI samanhang med Landbruks- og matdepartementets sitt arbeid med Melding til Stortinget om mat- og landbrukspolitikken, har NILF gjeve innspel om samfunnsnytte, annan gardsbasert næring og verknader for distrikta. NILF sine bidrag ligg no føre som diskusjonsnotat på NILF sine nettsider. Her følgjer ein oversikt over det arbeidet som har blitt gjort i samband med stortingsmeldinga.
Klaus Mittenzwei, Julie Nåvik Hval, Ivar Pettersen og Finn Andersen: Jordbrukspolitikkens samfunnsmessige verdiskaping - Innspill til arbeidet med ny melding til Stortinget om mat- og landbrukspolitikken (PDF 374 KB) inneheld ei samfunnsøkonomisk tilnærming til norsk jordbrukspolitikk. Hovudutfordringane for norsk matsektor er knytta til usikre internasjonale rammebetingelser og jordbrukets evne til å konkurrere om knapp arbeidskraft og areal. Ei mogeleg løysing ligg i ei forenkling og målretting av virkemiddelbruken, som gir grunnlag for auka legitimitet og betalingsvilje for dei godene landbruket produserer.
Kristiansen, Berit (red.) Utredning om gårdsbaserte næringer utenom jord- og skogbruk - Grunnlagsmateriale for ny stortingsmelding om landbrukspolitikken (PDF 438 KB) inneheld ein gjennomgang av statistikk og talmateriale om utbreiing av og inntekter frå gardsbaserte tilleggsnæringar som for eksempel reiseliv, inn på tunet og leigekjøring.
Lars Ragnar Solberg: Tilleggsutredning om landbrukets rolle i lokal og regional utvikling (PDF 336 KB) har undersøkt den geografiske fordelinga av landbruksstøtta i Noreg i ein sentrum-periferi dimensjon. Han fann at om lag 20 % av tilskota til landbruket viser distriktspolitiske omsyn. Vidare blei det undersøkt kva for ei utvikling sysselsetjing, busetjing, hushaldsinntekter og verdiskaping i landbruket har hatt dei siste ti åra.
Karen Refsgaard, John Bryden og Kjersti Nordskog: Landbrukets ringvirkninger - Deloppgave 3 i en drøfting av landbruks- og matpolitikkens distriktspolitiske betydning (PDF 1138 KB) har sett på ringverknadene av landbruksstøtta i Hordaland fylke. Her finn ein at inntekta som kjem frå landbruket, er ein liten del av totalinntekta i hushaldet. Lønsemdsutviklinga i jordbruket har vore svak. Den tradisjonelle landbruksstøtta har auka, men ser ikkje ut til å kunne vege opp for dårlege vilkår i ein lokal arbeidsmarknad.
Erland Kjesbu, Knut Krokann, Liv Grethe Frislid, Kjell Staven, Agnar Hegrenes og Marthe Bjørnsen: Utvikling i geografisk fordeling av arealbruk og produksjon i jordbruket (PDF 645 KB) med Vedlegg 1 (PDF 1592 KB) og Vedlegg 2 (PDF 830 KB) (versjon oktober 2010). Dokumentene gir ein oversikt over status og utviklingstrekk knytta til geografisk fordeling av produksjon, arealbruk, antall bruk og foredlingsindustri. Data som viser produksjon i produserte einingar og dyretal, ulik arealbruk, antall bruk og sysselsette, er aggregerte og analyserte i ein sentrum-periferidimensjon, etter landbruks- og distriktspolitiske kriterier.
Spørsmål kan rettast til Klaus Mittenzwei, Berit Kristiansen, Lars Ragnar Solberg, Karen Refsgaard eller Knut Krokann.
Se også oversikt over andre forsidesaker.
Publisert 15.12.2010