| Moderat inntektsvekst for vestlandsbonden i 2009
På Vestlandet var det frukt- og bærdyrkarane som hadde størst auke i jordbruksinntekta i 2009. I gjennomsnitt auka jordbruksinntekta med 5 % for vestlandsbonden, medan fruktdyrkarane fekk auka jordbruksinntekta si med 9 %. Det var nedgang for sau og svin. Det viser den årlege rekneskapsundersøkinga frå NILF.
Jordbruksinntektene, målt som vederlag til arbeid og eigenkapital per årsverk, auka i gjennomsnitt for vestlandsbonden med 5 %, til kr 196 500 frå 2008 til 2009.
Bruka med frukt oppnådde den største auken i jordbruksinntekt frå 2008 til 2009, med kr 19 800, til kr 235 300 per årsverk. Frukt- og bærdyrkarane hadde i middel den høgaste jordbruksinntekta blant vestlandsbøndene. Gode prisar på produkta, auka bæravlingar og lågare renter bidrog til positiv utvikling. Mjølkeprodusentane oppnådde ein inntektsvekst på 7 % til kr 198 000 per årsverk. Høgare prisar kombinert med auka produksjon og rentenedgang var viktige årsaker.
For første gang sidan 2001 var det nedgang i inntektene for sauebøndene på Vestlandet. Etter stor auke førre året, var nedgangen på 18 % til kr 117 100 per årsverk trass i auka produksjon. Lågare prisar på sauekjøt og kostnadsvekst medførte nedgang i resultatet.
Mjølkeproduksjon kombinert med svinehald hadde nedgang på 19 % til kr 202 900 per årsverk. Det var resultatet på svin som trekte ned med lågare prisar og auka kostnader, særleg på kraftfôr.
Investeringsnivået var høgt også i 2009. I gjennomsnitt var nettoinvesteringa per bruk kr 97 000. Det vart investert mest i nye bygningar. Samla gjeld per bruk auka med 10 % til kr 1,43 mill. Rentekostnadene gjekk ned med 20 %.
Skattefordel som følgje av jordbruksfrådrag, er ikkje med i resultatmåla. Skattekorrigert inntektsverknad er berekna til kr 26 200 per årsverk, om lag det same som i 2008.
I alt omfattar granskinga 848 bruk frå heile landet, 162 bruk er frå vestlandsfylka Hordaland, Sogn og Fjordane og Møre og Romsdal.
Det finnes også en lang versjon av dette oppslaget.
I tillegg til opplysningene i dette oppslaget, har NILF på Internett også mye annen informasjon om driftsgranskingene 2009.
For meir detaljerte opplysninger, kontakt Heidi Knutsen.
Se også oversikt over andre forsidesaker.
Publisert 08.12.2010 | 
