| Verdiskaping i jordbruk, skogbruk og tilleggsnæringar i Hordaland og Sogn og Fjordane
Samla verdiskaping, rekna som nettoprodukt inkl. tilskot, frå jordbruk, primærskogbruk og tilleggnæringar er berekna til 1,3 milliardar for dei to vestlandsfylka Hordaland og Sogn og Fjordane. Verdiskapinga er om lag like stor i dei to fylka, 670,8 mill. kr for Hordaland og 708,3 mill. kr for Sogn og Fjordane. Av den totale verdiskapinga utgjer jordbruk om lag 80 prosent, resten kjem frå skog og tilleggsnæringar. Sysselsettinga i jordbruket er berekna til høvesvis 3211 og 3569 årsverk á 1845 timar for dei to fylka. Landbruk er ei av svært få næringar som har utøvarar i alle kommunane i dei to fylka, og er ei viktig næring for mange kommunar.
Mjølkeproduksjonen er fremste sektor i begge fylke. Meir en halvparten av verdiskapinga, 54 prosent, kjem frå mjølkeproduksjon i Sogn og Fjordane, medan sauehaldet her står for 20 prosent. I Hordaland utgjer verdiskaping frå mjølkeproduksjon 41 prosent og sauehald 22 prosent av total verdiskaping frå jordbruket. Når det gjeld sysselsetting, er det utført flest årsverk i mjølkeproduksjon i begge fylka, av total arbeidsinnsats i jordbruket utgjer mjølkeproduksjon 37 prosent og sauehald 34 prosent i Hordaland. For Sogn og Fjordane utgjer arbeidsinnsatsen i mjølkeproduksjon 50 prosent og i sauehaldet 30 prosent.
| | Verdiskaping som nettoprodukt i mill. kr og arbeidsinnsats i årsverk for dei viktigaste produksjonane i jordbruket. |
Verdiskapingsberekningane er i hovudsak basert på data frå SLF og NILFs driftsgranskingar. Modellen som er nytta for berekningane, er utvikla over tid og er tidlegare nytta ved verdiskapingsberekningar for andre fylke. Verdiskaping er rekna som nettoprodukt inkl. tilskot. Nettoproduktet viser vederlag til alt arbeid og innsett kapital. Prosjektet er gjennomført på oppdrag frå Samarbeidsrådet for landbruket i Hordaland og Sogn og Fjordane.
Les meir i notatet Verdiskaping i jordbruk, skogbruk og tilleggsnæringar i Hordaland og Sogn og Fjordane.
For mer detaljerte opplysninger, kontakt Heidi Knutsen eller Torbjørn Haukås.
Se også oversikt over andre forsidesaker.
Publisert 06.11.2009 | 
