Driftsgranskingsrapporten for 2007 ligg føre

Resultata frå driftsgranskingane for rekneskapsåret 2007 blei gjort offentlege i desember 2008, i form av korte samandrag, pressemeldingar og tabellar på Internett. No er rapporten Driftsgranskingar i jord- og skogbruk 2007 tilgjengeleg. Heile rapporten kan bli lasta ned. Det er også mogeleg å bestille den trykte versjonen.

Driftsgranskingane, som hentar data frå vel 900 norske gardsbruk og samdrifter, har som mål å vise årlege resultat og langsiktige utviklingslinjer for økonomien på norske gardsbruk. Publikasjonen Driftsgranskingar i jord-og skogbruk presenterer økonomiske nøkkeltal, og set resultat for lønsemd i samanheng med blant anna arbeidsforbruk, arealbruk og avlingar.

I tillegg gjev NILF ut regionvise notat med grundigare informasjon om økonomien i jordbruket i Nord-Noreg, på Vestlandet, i Rogaland og Agder, i Trøndelag og på Austlandet. Desse vil du finne lenker til på vår side med notatoversikt for 2008.

NILF legg vekt på ei stadig utvikling av driftsgranskingspublikasjonane. Innspel til å gjere dei meir brukarvenlege, kan sendast til Torbjørn Haukås.

Sjå også sida vår med inngangar til meir omfattande informasjon om driftsgranskingane, og data om driftsgranskingsdata frå EU-landa

Sjå også oversikt over andre forsidesaker.

Publisert 29.01.2009